“დღეს საქართველოში არსებობს ერთადერთი ოლიგარქი – მას ჰქვია ბიძინა ივანიშვილი” – სალომე სამადაშვილი

პარტია ,,ლელოს“ წევრი სალომე სამადაშვილი ჟურნალისტებთან პოლიტიკურ შეფასებას აკეთებს ,,ქართული ოცნების“ დამფუძნებლის, ბიძინა ივანიშვილის მიერ გამოქვეყნებულ წერილთან დაკავშირებით:

,,ეს წერილი კიდევ ერთხელ ადასტურებს იმას, თუ ვინმემ ვერ გაიგო, ვისზე არის ლაპარაკი. როდესაც საუბარია ქვეყანაში ოლიგარქიული გავლენა პოლიტიკაზე უნდა მოიხსნას იმისთვის, რომ ჩვენ მივიღოთ ევროკავშირში გაწევრიანების კანდიდატი ქვეყნის სტატუსი ვფიქრობ, რომ დღეს კიდევ ერთხელ დადასტურდა ვისზე არის საუბარი.

დღეს საქართველოში არსებობს ერთადერთი ოლიგარქი – მას ჰქვია ბიძინა ივანიშვილი. მე ვიტყოდი, რომ არამხოლოდ ერევა, არამედ ფაქტიურად ის წარმართავს მმართველი გუნდის პოლიტიკას ჩვენს ქვეყანაში.

ეს წერილი, ვფიქრობ, რომ კიდევ ერთხელ არის დადასტურება სწორედ იმის, რომ ოლიგარქიული ჩრდილოვანი მმართველობა დღეს არის ამ ქვეყნის მთავარი გამოწვევა. ეს დაადასტურა თავად ივანიშვილმა აღნიშნული წერილის გამოქვეყნებით.

რატომ გადაწყვიტა მან ამ წერილის გამოქვენება ვერ გეტყვით. როგორც ჩანს, ის დღესა არის საკმაოდ შეშფოთებული საკუთარი მდგომარეობით“, – განაცხადა სალომე სამადაშვილმა.

ავტორი
ნინი ხიჯაკაძე