“უკრაინულ კანონს თუ შევხედავთ, ბიძინა ივანიშვილი ვერანაირად ვერ ჯდება ოლიგარქის განმარტებაში” – ნიკოლოზ სამხარაძე

პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე კომენტარს აკეთებს დეოლიგარქიზაციის საკითხთან დაკავშირებით. საპარლამენტო უმრავლესობის წევრს მიაჩნია, რომ დეოლიგარქიზაციის კანონის შექმნით, ამ სიაში მოხვდენიან ოპოზიციონერი ლიდერები და ეს არ შეეხება პარტია ,,ქართული ოცნების“ დამფუძნებელს ბიძინა ივანიშვილს:

,,უკრაინულ კანონს თუ შევხედავთ, იმ კანონის მიხედვით, რა თქმა უნდა, ბიძინა ივანიშვილი ვერანაირად ვერ ჯდება ოლიგარქის განმარტებაში. თუმცა, ჯდებიან სხვა ადამიანები ამ განმარტებაში, რომლებიც წარმოადგენენ ოპოზიციის მხარეს.

მე ვისურვებდი, რომ ასეთი ტიპის კანონი გვქონდეს ჩვენ საქართველოში. შესაბამისად, ეს კანონი შეეხებათ მართლაც იმ ოლიგარქებს და მდიდარ ადამიანებს, რომლებიც საეჭვო გზებით არიან გამდიდრებულები. თუ შეიძლება იყოს გზა ამ მიმართულებით, ნამდვილად შეიძლება არ იყოს ცუდი გამოსავალი“, – განაცხადა ნიკოლოზ სამხარაძემ.

ავტორი
ნინი ხიჯაკაძე