,,ქართული ოცნების“ თავმჯდომარე ირაკლი კობახიძე ევროპარლამენტარების განცხადებებიდან გამომდინარე ოლიგარქიასთან დაკავშირებით შესაბამის ფაქტებს ითხოვს ბიძინა ივანიშვილთან მიმართებაში. მმართველი პარტიის ლიდერი აღნიშნულ საკითხზე კრიტიკულ შეფასებებს ტელეკომპანია ,,იმედის“ ეთერში აკეთებს:
,,ქალბატონი რასას განცხადება იყო უბრალოდ სამარცხვინო – ეს ერთი. მეორე – არავითარი საფუძველი ამ განცხადებას არ აქვს.
აქ სიტყვების დამარცვლა კი არ არის საჭირო, საჭიროა ფაქტების მოყვანა იმასთან დაკავშირებით, თუ როგორ იმართება ქვეყანა. არავითარი ფაქტები, არგუმენტები – არის უბრალოდ დამარცვლული სიტყვები და მათი სიტყვების დამარცვლა, მერწმუნეთ, საქართველოში არავის სჭირდება.
ჩვემთვის არავითარი განსხვავება არ არის მაგალითად, სალომე სამადაშვილსა და რასა იუკნევიჩიენეს შორის. ერთიც არის პარლამენტარი და მეორეც. არც ერთს ენდობიან საქართველოში, არც მეორეს ლიეტუვაში.
თუ სანქციებზე სერიოზულად დაიწყებს ვინმე საუბარს, მაშინ ღრმავდება ის ეჭვები, რაც საზოგადოებაში ისედაც მუსირებს, რომ ვაღაცას რაღაც განსაკუთრებული უნდა კონკრეტულად ბიძინა ივანიშვილისგან. რაღაცას სთხოვენ მას, რაღაც კონკრეტულს.
ჩვენ ამით ვერავითარ ზიანს ვერ მოგვაყენებს. თეორიულადაც რომ განვიხილოთ ეს ყველაფერი იქნება კონტრპროდუქტიული აუცილებლად. ანუ იმის საპირისპირო შედეგს გამოიღებს, რა მიზანიც შეიძლება ჰქონდეს სანქციის დაწესებას, მაგალითად დავით არახამიასთვის. არახამია და მისნაირები, ასეთი მცდელობებით, ვერავითარ შედეგს ვერ მიაღწევენ, პირიქით საპირისპირო შედეგი შეიძლება მიიღონ“, – განაცხადა ირაკლი კობახიძემ.
ინფორმაციისთვის: დეოლიგარქიზაციასთან დაკავშირებით, ევროპარლამენტარმა რასა იუკნევიჩიენემ, სიტყვით გამოსვლისას, ორჯერ აღნიშნა, ჯერ სახელით, შემდეგ გვარით, რომ ოლიგარქი არის ბიძინა ივანიშვილი.
