“ჩვენ დროულად შევასრულებთ ევროკომისიის მიერ რეკომენდირებულ პრიორიტეტებს და საქართველო მალე მიიღებს კანდიდატის სტატუსს” – ირაკლი ღარიბაშვილი

ევროპული საბჭოს მიერ მიღებულ გადაწყვეტილებას სოციალურ ქსელში ეხმაურება საქართველოს პრემიერ-მინისტრი ირაკლი ღარიბაშვილი:

“ევროპულმა საბჭომ მიიღო ისტორიული გადაწყვეტილება – საქართველოს მიანიჭა ევროპული პერსპექტივა იმისათვის, რომ ჩვენი ქვეყანა გახდეს ევროკავშირის წევრი. ეს არის ისტორიული დღე საქართველოსთვის.

ჩვენ დროულად შევასრულებთ ევროკომისიის მიერ რეკომენდირებულ პრიორიტეტებს და საქართველო მალე მიიღებს კანდიდატის სტატუსს.

ვულოცავ უკრაინას და მოლდოვას.

მადლობას ვუხდი პრეზიდენტ ურსულა ფონ დერ ლაიენს და პრეზიდენტ შარლ მიშელს. მადლობა ევროკავშირის ყველა სახელმწიფოს, ჩვენს ევროპელ პარტნიორებს მხარდაჭერისთვის. საქართველოს მომავალი ევროკავშირშია“, – აცხადებს ირაკლი ღარიბაშვილი.