ევროკავშირის ელჩის კარლ ჰარცელის განცხადებას, სისხლის სამართლის საპროცესო კოდექსში ცვლილებების შეტანასთან დაკავშირებით, პოლიტიკური შეფასებით ეხმიანება პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას“ თავმჯდომარე ხატია დეკანოიძე:
,,ფარული თვალთვალის და მიყურადების შემდეგ ის ფაილები, რომლებიც გამოქვეყნდა და ამ კუთხით არ არის ეფექტური გამოძიება. ესეც გახდა ერთ-ერთი კრიტიკის საგანი სწორედ ჩვენი საერთაშორისო პარტნიორებისთვის.
რა თქმა უნდა, საქართველოში ხელისუფლების უზურპაცია და ზოგადად ამ არაფორმალური მმართველობის პოლიტიკური წახნაგი – ყველაზე უფრო მნიშვნელოვანი კანონის უზენაესობის კუთხით ნიშნავს იმას, ხელისუფლება შეეცდება ყველაფერს, რომ თქვენ – ჟურნალისტები, პოლიტიკოსები, არასამთავრობო ორგანიზაციის წარმოამდგენლები იყოთ მუდმივად მათი სამიზნე“, – განაცხადა ხატია დეკანოიძემ.
ინფორმაციისთვის: ევროკავშირის ელჩმა კარლ ჰარცელმა განცხადება გაავრცელა საქართველოს პარლამენტის მიერ საქართველოს სისხლის სამართლის საპროცესო კოდექსში შეტანილ კონკრეტულ ცვლილებებთან დაკავშირებით და კრიტიკული შეფასებები მისცა ამ ფაქტს.
ავტორი
ნინი ხიჯაკაძე
