პარტია “გირჩის” ერთ-ერთი ლიდერის, ვახტანგ მეგრელიშვილის კონკრეტულ პოზიციას ეხმაურება, მიხელ სააკაშვილთან მიმართებაში და ამის გამო მასთან და ბიძინა ივანიშვილთან მიმართებაში მწვავე შეფასებებს აფიქსირებს ინტერნეტგამოცემა “ტაბულას” დამფუძნებელი, თამარ ჩერგოლეიშვილი:
“ეს უხერხემლო, უპრინციპო ჩვარი!
ბიძინა ივანიშვილი რადგან სასამართლოს აკონტროლებს და ხალხის დაჭერა შეუძლია, ამიტომ უნდა წახვიდე პოლიტიკიდან და გზა დაუთმო აი ამ ჩვარს.
სააკაშვილზე, როგორც პოლიტიკოსზე, ჩემი აზრი იცის ყველამ.
მე გავაკეთებ ყველაფერს, რომ მაგ ადამიანმა ხელში ძალაუფლება ვეღარასოდეს ჩაიგდოს.
მაგრამ ეს უნდა გაკეთდეს სამართლიანი წესებით!
ეს უნდა გააკეთოს ქართველმა ხალხმა და არა ოლიგარქის ჯიბეში ჩადებულმა სასამართლომ და მეგრელიშვილის მსგავსმა სამარცხვინო, უპრინციპო, უსამართლო და უღირსმა სვავებმა.
p.s. არ გამოვრიცხავ სააკაშვილმა ეს თავად ქნას, მაგრამ ესეც უსამართლობის შედეგი იქნება და ამ ქვეყანას მოსარჩენ ტრავმად დარჩება.
ჩვენ ვერ წავალთ წინ, თუ სამართლიანი სისტემები არ შევქმენით“, – წერს ფეისბუქის პირად გვერდზე თამარ ჩერგოლეიშვილი.
ინფორმაციისთვის: “გირჩის” ერთ-ერთი ლიდერი, პარლამენტარი ვახტანგ მეგრელიშვილი თავის პოზიციას აფიქსირებს მიხეილ სააკაშვილთან მიმართებაში და აცხადებს, რომ ქვეყნის მე-3 პრეზიდენტის გათავისუფლება უნდა მოხდეს იმ პირობით, რომ მან პოლიტიკურ საქმიანობაზე უარი თქვას.
