კონსილიუმის წევრი ექიმები საქართველოს მე-3 პრეზიდენტთან იმყოფებდნენ და შეისწავლიდნენ მიმდინარე კვლევებს. წამების მსხვერპლთა ფსიქოლოგიური რეაბილიტაციის ცენტრ ,,ემპათიას“ დირექტორი მარიამ ჯიშკარიანი აცხადებს, რომ აუცილებელია სასწრაფოდ მოხდეს მიხეილ სააკაშვილის საზღვარგარეთ, მულტიპროფილურ კლინიკაში გადაყვანა:
,,პროგნოზი, სამწუხაროდ, არაკეთილსაიმედო და რეკომენდაციები თქვენ იცით, რომ არ გაითვალისწინეს. უნდა უმკურნალოთ დიაგნოზს.
სამწუხაროდ, ეს დიაგნოზები არსებობს უკვე იმის გამო, რომ პენიტენციურმა სამსახურმა თავის დროზე არ დასვა სწორად დიაგნოზები და არ უმკურნალა ადამიანს.
მკურნალობა არ არის მიმართული დიაგნოზებზე და შესაბამისად, შედეგი არის ნული.
არსებობს საზღვარგარეთ მულტიპროფილური ცენტრები. მე ვფიქრობ, რომ იქ უნდა იყოს გადაყვანილი მიხეილ სააკაშვილი, რაც შეიძლება სწრაფად“, – განაცხადა მარიამ ჯიშკარიანმა.
ავტორი
ნინი ხიჯაკაძე
