,,ერთიანი ნაციონალური მოძრაობის“ პოლიტიკური საბჭოს წევრი ლევან ხაბეიშვილი ,,მთავარი არხის“ ჟურნალისტთან კომენტარს აკეთებს პრეზიდენტ სალომე ზურაბიშვილის მიერ საქართველოს დამოუკიდებლობის დღისადმი მიძღვნილ ღონისძიებაზე სიტყვით გამოსვლისას გაკეთებულ კონკრეტულ აქცენტებთან დაკავშირებით:
,,ფიცი მწამს, ბოლო მაკვირვებს – მზე იყო დღეს და გონება განათებია სალომე ზურაბიშვილს და ამბობს, რომ ავტორიტარიზმიაო, ქვეყანაში პრობლემები გვაქვსო და სასამართლოს მიმართულებით კატასტროფულ პირობებში ვართო.
თუმცა ავიწყდება, რომ კონკრეტული ინსტრუმენტები მის ხელშია. მაგალითად, სასამართლოს არაკეთილსინდისიერებასთან დაკავშირებით მე-3 პრეზიდენტ სააკაშვილის და გვარამიას საქმესთან მიმართებაში მას პირადად შეუძლია ამის მოგვარება.
ასევე, როდესაც ავტორიტარიზმზე საუბრობს და იმაზე, რომ პრობლემებია დემოკრატიის განვითარების მხრივ, ასევე, მას აქვს კონკრეტული ბერკეტები, რომელიც შეუძლია რომ გამოიყენოს, მაგრამ ამას არ აკეთებს.
ის გვიყვება დაახლოებით რა პრობლემაშიც ვართ, ვიცით და იციან საქართველოს მოქალაქეებმა და შემოგვჩივლა ახლა – მე კი ყველაფერი ვიცი და ინსტრუმენტებიც კი მაქვს, მაგრამ ჩემი თავი გამჭირვებია და აბა სამართლიან ნაბიჯებს როგორ გადავდგამო“, – განაცხადა ლევან ხაბეიშვილმა.
ავტორი
ნინი ხიჯაკაძე
