ანალიტიკოსი, პოლიტიკის ექსპერტი გია ხუხაშვილი მსოფლიოში მიმდინარე პოლიტიკურ პროცესებზე თავის შეფასებებს და პოზიციას აფიქსირებს:
“უკრაინის ომის და მოსალოდნელი მწვავე ეკონომიკური კრიზისის ფონზე მიმდინარეობს ლიბერალიზმსა და კონსერვატიზმს შორის მარადიული დისკუსიის რადიკალიზაცია. წინა ხაზზე გამოდიან ულტრა-კონსერვატორები და ულტრა-ლიბერალები. იკარგება საღი აზრი, ბრძოლა სულ უფრო უკომპრომისო, შეურიგებელ ხასიათს იძენს.
ყველაზე სახიფათო ის იქნება, თუ შიდა ბალანსები დაირღვევა და ამ დაპირისპირების სინქრონიზაცია მოხდება გლობალურ გეოპოლიტიკურ დაპირისპირებასთან.
ამ შემთხვევაში გაჩნდება გეოგრაფიული მსოფლმხედველობრივი ცენტრები და საქართველო, მიმდინარე პოლიტიკური პროცესიდან და მისი პროპაგანდისტული შეფუთვიდან გამომდინარე ბუნებრივად აღმოჩნდება არასასურველ მხარეს,” – წერს ფეისბუქის პირად გვერდზე გია ხუხაშვილი.
