ადვოკატი შოთა თუთბერიძე ჟურნალისტებთან გაკეთებულ კომენტარში აცხადებს, რომ საქართველოს მე-3 პრეზიდენტის, მიხეილ სააკაშვილის ჯანმრთელობის მდგომარეობა კლინიკა ,,ვივამედში“ კვლავინდირებურად მძიმეა. უფლებადამცველი ასევე განცხადებას აკეთებს ,,მთავარი არხის“ გენერალური დირექტორის ნიკა გვარამიას საქმეზე:
,,დღეს, ბუნებრივია, უმნიშვნელოვანესი თემა მიხეილ სააკაშვილისთვისაც არის ნიკა გვარამიას პრაქტიკულად პოლიტიკურ ტყვედ ქცევა სასამართლოს მიერ.
მიხეილ სააკაშვილი მიიჩნევს, დაცვის მხარესაც მიაჩნია, არის კიდევ ერთი ნიმუში იმისა, რომ საქართველოში უკვე აღარ არის საიდუმლო, აღარ ხდება ფარულად, არამედ მიმდინარეობს პირდაპირი პოლიტიკური რეპრესია პოლიტიკური მოწინააღმდეგეების მიმართ და კრიტიკულ მედიაზე ზეწოლა ერთადერთი მიზნით. იმისთვის, რომ ხელისუფლება, რაც შეიძლება დიდხანს ინარჩუნებდეს ძალაუფლებას.
რაც შეეხება სააკაშილის ჯანმრთელობის მდგომარეობას – ის არის კვლავინდებურად მძიმე, ვერ იღებს საკვებს. თუმცა, მკურნალობის კურსი დაიწყო და ეს არის პატარა პოზიტიური ნაბიჯი.
ჩვენ არ უნდა ველოდოთ რაიმე ტიპის შემაჯამებელი გამოკვლევების პასუხებს ან ანალიზების შედეგებს. მათ შორის არც დღეს, არც ხვალ – არცერთ კონკრეტულ დღეს. იმიტომ, რომ ის დააავადებები, რომლებიც მას სჭირს არის ძალიან კომპლექსური. მოითხოვს ძალიან კომპლექსურ დიაგნოსტიკისა და მკურნალობის კურსს. ამიტომ რაღაცა ერთ დღეს ყველაფრის ნათელისმოფენას არ უნდა ველოდოთ“, – განაცხადა შოთა თუთბერიძემ.
ავტორი
ნინი ხიჯაკაძე
