აგრარულ და გარემოს დაცვის საკითხთა კომიტეტის თავმჯდომარე ნინო წილოსანი განცხადებას აკეთებს ,,მთავარი არხის“ დირექტორის ნიკა გვარამიას საქმეზე სასამართლო გადაწყვეტილებასთან დაკავშირებით და მის გავლენას საქართველოს ევროინტეგრაციის გზაზე:
,,არაერთი საქმე ვიცით, მათ შორის, ევროკავშირის თუ დასავლური ქვეყნების შემთხვევაში, როდესაც პოლიტიკასთან ან მედიასთან დაკავშირებული პირები იხდიან სასჯელს. ამიტომ ერთი მეორეს არ უკავშირდება.
როდესაც ეს ყველაფერი დაკარგავს ანუ თქვენგან მინიჭებულ რაღაც განსაკუთრებულ წონას პოლიტიკასთან ბმის თემაზე, რა თქმა უნდა, კიდევ უფრო ნათლად გახდება ცნობილი, რომ საქართველოს ევროკავშირში გაწევრიანებას ეს ყველაფერი ხელს არ შეუშლის.
რიგ შემთხვევაში პრეზიდენტი შესაძლოა გარკვეულ, ასე ვთქვათ, მოულოდნელ ნაბიჯებს აკეთებს. ამ შემთხვევაში, რა თქმა უნდა, არ მოველით, რომ ის ადამიანს, რომელიც პირადად პრეზიდენტის ინსტიტუციის და მის წინააღმდეგ ყველაზე დესტრუქციულ ნაბიჯებს დგამდა, ამ შემთვევაში მისი გადაწყვეტილება რაიმენაირად შეიძლება იყოს დამხმარე“, – განაცხადა ნინო წილოსანმა.
ავტორი
ნინი ხიჯაკაძე
