“ქარავანი მიდის და ჩვენ ვიცავთ მშვიდობას” – თეა წულუკიანი

ვიცე-პრემიერი, საქართველოს კულტურის, სპორტისა და ახალგაზრდობის საქმეთა მინისტრი თეა წულუკიანი ჟურნალისტებთან კომენტარს და განმარტებებს აკეთებს რუსეთთან შეერთების მიზნით ცხინვალის რეგიონში დაგეგმილ რეფერენდუმთან და უკრაინის პრეზიდენტის ადმინისტრაციის უფროსის მრჩევლის განცხადებაზე საქართველოში მეორე ,,ფრონტის გახსნასთან დაკავშირებით:

,,საქართველოს მთავრობა და ხელისუფლება არავითარ შემთხვევაში არ ჩაერთვება ომში და არ დაღვრის არც ქართველის, არც აფხაზის და არც არავის სისხლს. იმიტომ, რომ ეს არის ის გზა, რაც ჩვენ არა ერთხელ, არამედ მრავალჯერ გავიარეთ. ამ გზამ არაფერი სასიკეთო ჩვენს ქვეყანას არ მოუტანა.

ჩვენი პრიორიტეტი, რა თქმა უნდა, რაც არ უნდა ვინმემ რამე თქვას, ქარავანი მიდის და ჩვენ ვიცავთ მშვიდობას“, – განაცხადა თეა წულუკიანმა.

ინფორმაციისთვის: ცხინვალში დაგეგმილ რეფერენდუმს ეხმაურება უკრაინის პრეზიდენტის ადმინისტრაციის უფროსის მრჩეველი ოლექსი არესტოვიჩი და აცხადებს, რომ არ იცის საქართველოს შეიარაღებული ძალების მდგომარეობა და ვერ იტყვის – შეუძლიათ თუ არა ცხინვალში შესვლა, რადგანაც, მისი აზრი, მიმდინარეობს ცხინვალის რეგიონის უკვე “დე იურე” მიტაცება.

ავტორი
ნინი ხიჯაკაძე