პარტია ,,ქართული ოცნება – დემოკრატიული საქართველოს“ თავმჯდომარე ირაკლი კობახიძე ჟურნალისტებთან კონკრეტულ განმარტებებს აკეთებს იმასთან დაკავშირებით, თუ რატომ არ იყო საქართველო მიწვეული ,,დიდი შვიდეულის“ შეხვედრაზე:
,,მიზეზი არის ძალიან პოზიტიური. რატომაც ჩვენ არ ვესწრებით ,,დიდ შვიდეულს“ არის ის, რომ ჩვენ არ ვართ დაკავშირებული ომთან, განსხვავებით უკრაინისა და მოლდოვისგან.
შესაბამისად, ის ადამიანები, რომლებიც წუხან იმის გამო, რომ საქართველო არ იყო ,,შვიდეულის“ მონაწილე – ისინი წუხან ასევე იმის გამო, რომ საქართველოში დღეს არ არის ომი. ეს არის რეალობა.
გერმანიის საელჩო ახმოვანებს გერმანიის და მთლიანად ,,შვიდეულის“, ამ შემთხვევაში საერთო პოზიციას. გერმანიის საელჩომ განმარტა შემდეგი – უკრაინა არის ომში, მოლდოვა უშუალოდ ემიჯნება საომარ მოქმედებებს და ამიტომ მიიწვიეს უკრაინა და მოლდოვა.
თუ ვინმეს სწყინს ის, რომ იქ არ იყო მიწვეული საქართველო მას სწყინს ის, რომ საქართველო არ არის გახვეული სამხედრო კონფლიქტში“, – განაცხადა ირაკლი კობახიძემ.
ავტორი
ნინი ხიჯაკაძე
