“მიხეილ სააკაშვილთან შესვლის შესაძლებლობა არ ეძლევა არავის – არც მისი ოჯახის წევრებს, რამდენადაც ჩემთვის ცნობილია” – ხატია დეკანოიძე

ფრაქცია ,,ერთიანი ნაციონალური მოძრაობა – ძალა ერთობაშიას“ თავმჯდომარე ხატია დეკანოიძე აცხადებს, რომ საქართველოს მე-3 პრეზიდენტის მონახულების საშუალება კლინიკა ,,ვივამედში“ ორშაბათამდე არ ამოქმედდება:

,,მიხეილ სააკაშვილთან შესვლის შესაძლებლობა არ ეძლევა არავის – არც მისი ოჯახის წევრებს, რამდენადაც ჩემთვის ცნობილია.

ჩვენ გარკვეული კომუნიკაციის შემდეგ მივიღეთ, ასე ვთქვათ, კონკრეტულად ის პასუხი და დამოკიდებულება, რომ ის სქემა, რომელიც უნდა იყოს, რაც შეეხება დეპუტატების, პარლამენტის წევრების და ა.შ შეშვებას მიხეილ სააკაშვილთან, ამუშავდება ორშაბათიდან.

ძალიან მნიშნელოვანია, რომ დღესაც ჰქონდეს მას საშუალება მისმა ოჯახის წევრებმა მოინახულონ, ასევე თანაგუნდელებმაც“, – განაცხადა ხატია დეკანოიძემ.

ავტორი
ნინი ხიჯაკაძე