,,ქართული ოცნების“ დამფუძნებლის ბიძინა ივანიშვილის დასაცავად აქციებს აანონსებენ. სოლიდარობის გამოხატვას უერთდებიან მმართველი გუნდის წევრები. აღნიშნულ საკითხზე ჟურნალისტებთან პოლიტიკური შეფასება გააკეთა პარლამენტის ფრაქცია ,,ქართული ოცნების“ თავმჯდომარის მოადგილემ ბექა დავითულიანმა:
,,ბიძინა ივანიშვილს ხომ არ უთქვამს, რომ მე მჭირდება აქციებიო?! გარკვეულმა პირებმა თვითონ გამოხატეს, ასე ვთქვათ, რაღაცა პოზიცია, რომ ჩაატარებენ აქციებს, თუ მოხდება ბიძინა ივანიშვილის სანქცირებაო.
ბიძინა ივანიშვილის სანქცირება არ მოხდება. იმიტომ, რომ ამისი არავითარი საფუძველი არ არსებობს.
დასაცავი, ჩემი აზრით, არაფერი არ აქვს ამ სახელმწიფოს, ამ მთავრობას და არც ბიძინა ივანიშვილს, როგორც მოქმედი სახელისუფლებო ძალის დამფუძნებელს.
მე ასე ვფიქრობ დღეს“, – განაცხადა ბექა დავითულიანმა.
ინფორმაციისთვის: ,,არ არის საქართველო დაუნახავების ქვეყანა. მილიონჯერ დაუმტკიცებია და კიდევ მილიონჯერ დაამტკიცებს. გამოვა კი არა? – აი, რავიცი მე. თუ კი სადმე როდესმე ადამიანების სიმრავლე ყოფილა და გამოსულა – ასი იმდენი იქნება. იმიტომ, რომ როგორც არასდროს საქართველომ ისე იცის, როცა დაჭირდება ქვეყანას და საქმეს, ერთმანეთის გვერდში დგომა“, – განაცხადა ,,იმედის“ ეთერში გია გაჩეჩილაძემ (უცნობი).
