“ტიპი რა დონის თავხედია – გვეუბნება, რომ მიმკურნალოთო ჩემი პირობები შეასრულეთო” – ირაკლი ზარქუა მიხეილ სააკაშვილზე

პარლამენტის რეგიონული პოლიტიკისა და თვითმმართველობის კომიტეტის თავმჯდომარის პირველი მოადგილე ირაკლი ზარქუა მწვავე და კრიტიკულ შეფასებას საქართველოს მე-3 პრეზიდენტის, მიხეილ სააკაშვილის თავდებობის საკითხთან დაკავშირებით:

,,ტიპი რა დონის თავხედია – გვეუბნება, რომ მიმკურნალოთო ჩემი პირობები შეასრულეთო. ნუ გაგონილა ასეთი?! – სისულელე 5 თუ 6 პირობა წაუყენა.

შოუს ელემენტები შეიტანეს ახლა.

ვინ უნდა დაუდგეს თავდებში? რომელია ავტორიტეტული და რომელია ადამიანი, რომელიც დადებს პირობას და შემდეგ არ შეცვლის?!“, – განაცხადა ირაკლი ზარქუამ.

ინფორმაციისთვის: “ერთიანი ნაციონალური მოძრაობის” წევრები კონკრეტული ინიციატივით/შეთავაზებით გამოდიან და მზადყოფნას გამოთქვამენ თავდებში ჩაუდგნენ მიხეილ სააკაშვილს, რათა მოხდეს მისი საზღვარგარეთ სამკურნალოდ გაყვანა. ამასთან პირობას დებენ, რომ მე-3 პრეზიდენტი, რეაბილიტაციის შემდეგ, საქართველოში დაბრუნდება.

ასევე, გავრცელდა ინფორმაცია, რომ მიხეილ სააკაშვილმა თანხმობა განაცხადა კლინიკა “ვივა მედში” გამოკვლევებისა და მკურნალობისათვის და ამასთან დაკავშირებით კონკრეტული პირობები წამოაყენა

“თანახმა ვარ კლინიკა “ვივა მედში” გადასვლაზე გამოკვლევებისთვის, გადაუდებელი სამედიცინო მომსახურებისა და მკურნალობისთვის შემდეგი პირობებით” – მიხეილ სააკაშვილი

ავტორი
ნინი ხიჯაკაძე