აშშ-ის სახელმწიფო დეპარტამენტში საქართველოს საგანგებო და სრულუფლებიანი ელჩის დავით ზალკალიანის რწმუნებათა სიგელების ასლების გადაცემის ცერემონია გაიმართა. ცერემონიის შემდეგ გამართული შეხვედრის დეტალებზე კომენტარი გააკეთა დავით ზალკალიანმა:
,,ჩვენ არასდროს არ ვართ კმაყოფილი მიღწეულით. მით უფრო დღეს, როდესაც მსოფლიო დგას ისეთი სერიოზული გლობალური გამოწვევის წინაშე, როგორიც არის რუსეთის აგრესია სუვერენული სახელმწიფოს – უკრაინის წინააღმდეგ.
ჩვენთვის ეს, რა თქმა უნდა, უცხო არ არის, გამომდინარე იმ ძალიან მძიმე გამოცდილებიდან, რომელიც ჩვენ გვქონდა 2008 წელს.
ვფიქრობ, რომ ამ კრიტიკულად მნიშვნელოვან დროს მთავარ სტრატეგიულ პარტნიორთან ძალიან ახლო კოორდინაცია და თანამშრომლობა, ერთობლივად ქმედება იმისთვის, რომ მინიმუმადე დავიყვანოთ ის საფრთხეები და რისკები, რაც ჩვენს ქვეყანას აქვს.
ბუნებრივია, ჩვენ გვინდა, რომ ის პროგრესი, რომელიც საქართველოს აქვს NATO-ში ინტეგრაციის მიმართულებით, კიდევ უფრო გაღრმავდეს. ამ თვალსაზრისით, მადრიდის სამიტი იქნება მნიშვნელოვანი. ის ჩანაწერები, რომელიც არსებობს და აქამდე იყო ჩვენი მნიშვნელოვანი მიღწევები, იყოს კიდევ ერთხელ გაჟღერებული და გაძლიერებული ახალი მიმართულებებით“, – განაცხადა დავით ზალკალიანმა.
ავტორი
ნინი ხიჯაკაძე
