“საქართველომ წლების განმავლობაში დაამტკიცა, რომ ის არის მოწინავე ევროკავშირთან ინტეგრაციის გზაზე” – შალვა პაპუაშვილი

საქართველოს მხარის მიერ შევსებული ევროკავშირის კითხვარი დღეს ქვეყნის პრემიერ-მინისტრმა ირაკლი ღარიბაშვილმა ოფიციალურად გადასცა ევროკავშირის ელჩ კარლ ჰარცელს. ამჟამად პასუხი კითხვარის 369 შეკითხვას გაეცა. აღნიშნულ საკითხზე შეფასება გააკეთა საქართველოს პარლამენტის თავმჯდომარემ შალვა პაპუაშვილმა:

,,ჩვენ ვფიქრობთ, რომ საქართველომ, წლების განმავლობაში, დაამტკიცა, რომ ის არის მოწინავე ევროკავშირთან ინტეგრაციის გზაზე. ამას ფაქტები დაადასტურებს როგორც ასოცირების შეთანხმების შესრულების და ინსტიტუციური განვითარების კუთხით, ისე, მათ შორის, – საკანონმდებლო დაახლოების კუთხითაც.

საქართველო არის მოწინავე ამ მხრივ. ვფიქრობ, რომ ერთის მხრივს ეს წლების განმავლობაში საქართველოს ბეჯითი მუშაობა უნდა დაფასდეს.

ამავე დროს ევროპული არჩევანი საქართველოს უკვე დიდი ხანია გაკეთებული აქვს, დამოუკიდებლობის მიღებასთან ერთად და ამისთვის ქართველ ხალხს დიდი საფასურის გადახდაც მოუწია“, – განაცხადა შალვა პაპუაშვილმა.

ავტორი
ნინი ხიჯაკაძე