,,ქართული ოცნება – დემოკრატიული საქართველოს“ თავმჯდომარე ირაკლი კობახიძე კომენტარს აკეთებს ,,ერთიანი ნაციონალური მოძრაობის“ მიერ ინიცირებულ რეზულუციის პროექტზე უკრაინაში რუსეთის მხრიდან ჩადენილი დანასაულებების გენოციდად აღიარებასთან დაკავშირებით. მმართველი გუნდის ლიდერი აცხადებს, რომ რეზოლუციის ავტორების მთავარი მიზანი არის საქართველოში მეორე ფრონტის გაჩაღება:
,,მელია – კაცი, რომელიც პარლამენტიდან გავიდა, პარლამენტში აინიცირებს დოკუმენტს. წარმოიდგინეთ რამდენად კომიკურია უკვე მათი მდგომარეობა. ღიმილის მომგვრელიც აღარ არის, აბსოლუტურად მძიმე მდგომარეობაში არიან დღეს ისინი.
ჩვენ ვთვლით, რომ არცერთ მათ საგარეო პოლიტიკურ რეზოლუციას არც განვიხილავთ. იმიტომ, რომ ყველაფერი არის მიმართული ერთი და იგივე მიზნისკენ, ეს არის საქართველოში მეორე ფრონტის გაჩაღება.
ნებისმიერი ასეთი პროვოკაციული ინიციატივა პირდაპირ კავშირშია საქართველოში ომის გაჩაღების ინტერესთან.
ეს არის ომის პარტია. ნებისმიერი მათი ინიციატივა ემსახურება სწორედ ომის პარტიის ინტერესებს. შესაბამისად, ბუნებრივია ჩვენ ამ თამაშში არ შევალთ“, – განაცხადა ირაკლი კობახიძემ.
ავტორი
ნინი ხიჯაკაძე
