,,ლეიბორისტული“ პარტიის თავმჯდომარე შალვა ნათელაშვილი კომენტარს აკეთებს ,,ქართული ოცნების“ დამფუძნებლის ბიძინა ივანიშვილთან დაკავშირებით გავრცელებულ ფარულ აუდიოჩანაწერებთან დაკავშირებით და მის მიმართ სანქციების დაწესების თაობაზე ამახვილებს ყურადღებას:
,,ივანიშვილის სანქცირების საკითხი გადაიქცა საერთაშორისო პრობლემად და დღეს უკვე უკრაინა, 40 მლნ-იანი სახელმწიფო, მისი უმაღლესი ხელმძღვანელობის სახით, ითხოვს რუსი ოლიგარქის დასანქცირებას, მისი ქონების ჩამორთმევასა და დაყადაღებას, როგორც ეს დაემართა ყველა სხვა რუს ოლიგარქს.
რეჟიმი გამომპალია! ჩვენ კიდევ ერთხელ მოვუწოდებთ მსოფლიო თანამეგობრობას – მოაქციეთ სანქციების ქვეშ საქართველოს დიქტატორი, პუტინის ოლიგარქი, რომელმაც ქართველი ხალხის სისხლი დალია და ამას აფგრძელებს. ჩვენ ქვეყანასთან მეგობრობა, ჩვენ ხალხთან ძმობა განსაზღვრული იქნება იმის მიხედვით, თუ ვინ გამოიყენებს სანქციებს ივანიშვილის წინააღმდეგ და ვინ შეიკავებს თავს.
როდესაც, 10 წლის უკან ვაშინგტონში, ჩვენ პირველად დავსვით საკითხი ივანიშვილის სანქცირებაზე, უცნაურად შემოგვხედეს, მაგრამ დღეს უკვე მოვიდა ის ჟამი, როდესაც გაცხადდა ვინ ვინ არის!
ევტუშენკოვთან ივანიშვილის საუბარი – ეჭვი არ შეგეპაროთ, რომ ეს ნამდვილი, რეალური ფაქტია, ნამდვილი დამტკიცება, სრული დასტურია იმისა, რომ პუტინს ყველაზე ერთგული მოკავშირე, მსოფლიოშიც კი, არა მარტო საქართველოში, ჰყავს ბიძინა ივანიშვილი სახით“, – განაცხადა შალვა ნათელაშვილმა.
ავტორი
ნინი ხიჯაკაძე
