უკრაინის პრეზიდენტმა ვოლოდიმირ ზელენსკიმ საერთაშორისო და უკრაინის საინფორმაციო საშუალებებთან გამართულ პრესკონფერენციაზე საქართველოსთან მიმართებაში კონკრეტული შეფასება-განმარტებები გააკეთა:
“ვიტყვი პირდაპირ: ჩვენ ნამდვილად მოძმე ერები ვართ, მაგრამ მე არ მესმის საქართველოს ლიდერების პოზიცია, ამიტომ ამას მტკივნეულად განვიცდი.
მე არ მესმის რატომ არ ხდება სანქციების მიღება? მოვისმინე მათი მესიჯები – “ჩვენ უნდა დავიცვათ საკუთარი ეკონომიკა“. რომელი ეკონომიკა? მათ (რუსებმა – რედ.) უკვე წაართვეს საქართველოს ტერიტორიის ნაწილი, თითქმის თბილისამდე მიაღწიეს.
ჩვენ ომი გვაქვს რუსეთთან, საქართველოსთან კონფლიქტები ნამდვილად არ გვინდა და დარწმუნებული ვარ, რომ ასეთი არც არასოდეს იქნება. მეგობრულ საქართველოში ჩვენ ელჩს აუცილებლად დავაბრუნებთ, როგორც კი ვიგრძნობთ თქვენი მთავრობის ლიდერების მხრიდან უკრაინის მხარდაჭერას“, – განაცხადა ვოლოდიმირ ზელენსკიმ ქართველი ჟურნალისტის მიერ დასმული კითხვის პასუხად.
ინფორმაციას უკრაინის პრეზიდენტის ადმინისტრაცია ავრცელებს
