“რეალურად პოლიტიკური დღის წესრიგი არ გააჩნიათ – მიზანი აქვთ მარტო, რომ ნებისმიერი გზით ხელისუფლება ხელში ჩაიგდონ” – ირაკლი ქადაგიშვილი “ნაციონალურ მოძრაობაზე”

საპარლამენტო უმრავლესობის წევრი, საპროცედურო საკითხთა და წესების კომიტეტის თავმჯდომარე ირაკლი ქადაგიშვილი პოლიტიკურ შეფასებას აკეთებს ,,ერთიანი ნაციონალური მოძრაობის“ თავმჯდომარის ნიკა მელიას პოზიციასთან მიმართებაში საპარლამენტო საქმიანობის გაგრძელების მიზანშეწონილობასთან დაკავშირებით:

,,ფაქტობრივად, რეალურად პოლიტიკური დღის წესრიგი არ გააჩნიათ.
მიზანი აქვთ მარტო, რომ ნებისმიერი გზით ხელისუფლება ხელში ჩაიგდონ.

როდესაც გეგმა, სტრატეგია, სამოქმედო ტაქტიკა არის რეალობას აცდენილი კონტრპროდუქტიული და შედეგი ვერ მოაქვს – ბუნებრივია, რომ ამ დროს ყოველთვის იწყება ხოლმე შიდა რყევა, დაპირისპირება, აზრთა სხვადასხვაობა“, – განაცხადა ირაკლი ქადაგიშვილმა.

ინფორმაციისათვის: “ერთიან ნაციონალურ მოძრაობაში” მიმდინარეობს მსჯელობა გადაწყვეტილების მისაღებად – პარტიამ პარლამენტს ბოიკოტი გამოუცხადოს თუ გააგრძელოს საპარლამენტო საქმიანობა?