,,ერთიანი ნაციონალური მოძრაობის“ პოლიტიკური საბჭოს წევრმა გიორგი ბოტკოველმა საქართველოს მე-3 პრეზიდენტის მონახულების შემდეგ კომენტარი გააკეთა მისი ჯანმრთელობასთან დაკავშირებით. ოპოზიციონერი ლიდერის განცხადებით, მიხეილ სააკაშვილი არის საკმაოდ სუსტად, რაც გულისხმობს, რომ უჭირს საუბარი და გადაადგილება:
,,პრეზიდენტი სააკაშვილი საკმაოდ სუსტად არის. მე პირველად არ შევდივარ. სხვა ყველა ნახვასთან შედარებით საკმაოდ სუსტად გამოიყურება.
სამარცხვინოდ გამოიყურება ხელისუფლება. ყველაფერთან ერთად, რა არის გასაკვირი, როდესაც ადამიანს კლავენ – შეიძლება ითქვას და მას ფიზიკურად ანადგურებენ. ყველაფერს აკეთებენ ამისთვის!
კიდევ ვიმეორებ, არ არის ეს მიხეილ სააკაშვილის მიმართ განხორციელებული, ეს არის სახელმწიფოს მიმართ ქმედება, რომელსაც ახორციელებს ხელისუფლება.
უჭირს საუბარიც, უჭირს გადაადგილებაც, თუმცა, მისი მოტივაცია დღეს ამ ქვეყნის გადარჩენაზე, უკრაინის გამარჯვებაზე არის პირველი და რა თქმა უნდა, ის ყველაფერში ცდილობს, რომ გამოხატოს მხნედ ეს ყველაფერი.
თუმცა ჩვენ გუშინაც ვნახეთ და დღესაც, მე ჩემი თვალით ვნახე, რომ მისი ფიზიკური მდგომარეობა არის მძიმე. მას როგორც უჭირს გადაადგილება, ასევე გამოიყურება სუსტად“, – განაცხადა გიორგი ბოტკოველმა.
ავტორი
ნინი ხიჯაკაძე
