“ეს იყო სერიოზული წინ გადადგმული ნაბიჯი საქართველოს და უკრაინის ურთიერთობის აღდგენის თვალსაზრისით” – ხათუნა სამნიძე

საქართველოს საპარლამენტო დელეგაცია უკრაინიდან დაბრუნდა. ვიზიტს აფასებს ,,რესპუბლიკური პარტიის“ ლიდერი, პარლამენტის წევრი ხათუნა სამნიძე:

,,ეს იყო სერიოზული წინ გადადგმული ნაბიჯი საქართველოს და უკრაინის ურთიერთობის აღდგენის თვალსაზრისით. ბევრი შეცდომა იქნა დაშვებული ჩვენი ხელისუფლების მხრიდან, რბილად რომ ვთქვათ.

ურთიერთობის გაფუჭების პროცესი ღრმავდებოდა. ამიტომ ასეთი ვიზიტი, შეხვედრა, საუბარი, ასევე პირისპირ შეხვედრა ორივე სპიკერის ცალკე და ყველა იმ პრობლემური საკითხის განხილვა, რაც აქამდე იდგა დღის წესრგიში, არის სერიოზული გარღვევა იმისთვის, რომ განვითარდეს თუ თავიდან დაიწყოს ჩვენი ურთიერთობები.

ეს იყო დასტური სოლიდარობის, სამძიმრის გამოთქმის და მომავალი მხარდამხარ მუშაობის ჩვენს უკრაინელ პარტნიორებთან ერთად“, – განაცხადა ხათუნა სამნიძემ.

ავტორი
ნინი ხიჯაკაძე