“დარწმუნებული ვარ, რომ ეს ვიზიტი ხელს შეუწყობს კიდევ უფრო მეტად ჩვენი პარლამენტების ურთიერთობებს” – არჩილ თალაკვაძე

საქართველოს პარლამენტის თავმჯდომარის მოადგილე არჩილ თალაკვაძე კომენტარს აკეთებს უკრაინაში ვიზიტთან დაკავშირებით დელეგაციის შემადგენლობაზე. მმართველი პარტიის ერთ-ერთი ლიდერი ოპოზიციას მოუწოდებს, რომ გამგზავრებამდე ჩამოაყალიბონ გადაწყვეტილება, რომელიც არ იქნება ზიანის მომტანი:

,,დარწმუნებული ვარ, რომ ეს ვიზიტი ხელს შეუწყობს კიდევ უფრო მეტად ჩვენი პარლამენტების ურთიერთობებს. ამავე დროს ჩვენ საქართველოს პარლამენტის სახელით უკრაინას მივმართავთ სამძიმრით და ჩვენს პოლიტიკურ მხარდაჭერას კიდევ ერთხელ, ამჯერად, უკრაინაში დავაფიქსირებთ.

რაც შეეხება დელეგაციის შემადგენლობას ჩვენთვის, კიდევ ერთხელ ვამბობ, – ეს არის ჩვენი ქვეყნის ღირსების საკითხი. ამიტომ რაიმე კამათში, ვაჭრობაში, დეტალებში “ვინ უნდა წამოვიდეს, ვინ არ უნდა წამოვიდეს”, ჩვენ ნამდვილად არ ვაპირებთ შესვლას.

მე იმედი მაქვს, რომ სანამ გავემგზავრებით ოპოზიცია თავის გადაწყვეტილებას ჩამოაყალიბებს ისე, რომ ეს ქვეყნისთვის და პირველ რიგში მათთვის არ გახდეს დამაზიანებელი“, – განაცხადა არჩილ თალაკვაძემ.

ავტორი
ნინი ხიჯაკაძე