უკრაინის თავდაცვის სამინისტროს დაზვერვის სამსახურის მიერ გავრცელებულ ინფორმაციას ეხმაურება კინორეჟისორი გოგა ხაინდრავა:
,,არნახული ცილისწამების და ზეწოლის ქვეშ იმყოფება ჩვენი ქვეყანა. სამწუხაროდ, დღევანდელი უკრაინის ხელისუფლება სამარცხვინო განცხადებებს აკეთებს. ეს მეტყველებს იმაზე, რომ სასოწარკვეთილი არიან თავის საქმეში. ამის რამდენიმე მაგალითი არსებობს და ამიტომ ცდილობენ რაიმე სახით ჩაანაცვლონ ის უბედურება, რომელიც საკუთარ ქვეყანს თავს დაატეხეს.
ეს არ არის პარტიული ცილისწამება. ეს არის ცილისწამება ჩვენი ქვეყნის, ყველა ჩვენგანის წინააღმდეგ. ეს არის შეურაცხყოფა, რომლის იქით აღარაფერი არ არსებობს. იმიტომ, რომ ჩვენ დაგვაბრალეს, რომ ვეხმარებით რუსებს იარაღით და პრაქტიკულად რუსების მხარეს ვართ უკრაინელების წინააღმდეგ.
ეს არის დაუშვებელი და მიუღებელი!
ვერავინ ვერ გაიმართლებს თავს, რომ ეს მხოლოდ ხელისუფლებას ეხება. იმიტომ, რომ თუ ეს ესე ხდება ე.ი. უამრავი ადამიანია ამაში ჩართული – უბრალოდ მოქალაქე, რომლებიც სხვადასხვა სტრუქტურებში მუშაობენ. იქნება ეს საგზაო პოლიცია, საბაჟოს თანამშრომელი, სხვადასხვა უწყებების წარმომადგენელი და ჩვენ ყველანი, მოქალქეები, რომლებიც ამას ვხედავთ და ამაზე ხმას არ ვიღებთ.
ამაზე დიდი შეურაცხყოფა ძნელი წარმოსადგენია. ეს აბსოლუტურად მიუღებელია. ნებისმიერი, ვინც ამას აკეთებს, არის ჩვენი ქვეყნის მტერი“, – განაცხადა გოგა ხაინდრავამ.
ავტორი
ნინი ხიჯაკაძე
