საქართველოს პარლამენტის წევრი და ,,სტრატეგია აღმაშენებლის“ გენერალური მდივანი პაატა მანჯგალაძე კომენტარს აკეთებს მმართველ გუნდში განხორციელებულ მორიგ საკადრო ცვლილებაზე, კერძოდ, საგარეო საქმეთა მინისტრის, დავით ზალკალიანის მიერ თანამდებობის დატოვებაზე:
,,უკრაინაში მიმდინარე ომის ფონზე, რომ იცვლება საგარეო საქმეთა მინისტრი, ხალხს უნდა ჰქონდეს მეტი ინფორმაცია იმასთან დაკავშირებით, თუ რა ამოცანები ჰქონდა დასახული ქართულ ხელისუფლებას? რა ვერ შეასრულა ზალკალიანმა? რას გააკეთებს განსხვავებულად ახალი წარმოდგენილი კანდიდატი?
ასეთი ინფორმაცია არ გავრცელებულა!
,,ქართული ოცნების“ მიერ განხორციელებული ყველა ცვლილება ემსახურება ერთ მთავარ ამოცანას, რომ რაც შეიძლება დიდხანს შეინარჩუნონ საკუთარი სკამები“, – განაცხადა პაატა მანჯგალაძემ
