პრემიერ-მინისტრ ირაკლი ღარიბაშვილის შეფასებას რუსეთ-უკრაინის ომთან დაკავშირებით, რომ ეს არის უკრაინის დასჯა, ეხმაურება საქართველოს პარლამენტის თავჯდომარე შალვა პაპუაშვილი და აცხადებს, რომ 2008 წლის ომი რუსეთის მხრიდან იყო საქართველოს დასჯის მცდელობა და ასევეა 2022 წელს უკრაინაში მიმდინარე ომი:
,,ამ სულისკვეთებას სრულად ვიზიარებ, რაც განაცხადა პრემიერ-მინისტრმა იმასთან დაკავშირებით, რომ ისევე როგორც 2008 წელს ეს იყო საქართველოს დასჯის მცდელობა, ახლაც, რა თქმა უნდა, ეს არის უკრაინის დასჯის მცდელობა.
საქმე იმაში არის, რომ ამის შესაძლებლობა არ უნდა მისცეს საერთაშორისო საზოგადოებამ.
ოპონენტები, ბოლო პერიოდში – ერთ თვეზე მეტია, დაკავებული არიან აი ამ გართულებული უსაფრთხოების მდგომარეობაში საკუთარი ქვეყნის და საკუთარი ხელისუფლებისთვის ძირის გამოთხრით.
და, რა თქმა უნდა, ყოველი დღე ომის არის გლოვის დღე. აქ კიდევ ერთხელ არის მცდელობა, სამწუხაროდ, ჩვენი ოპოზიციის ნაწილის მხრიდან დაიწყონ მანიპულაცია“, – განაცხადა შალვა პაპუაშვილმა.
ავტორი
ნინი ხიჯაკაძე
