“მიმაჩნია, რომ სააკაშვილის ციხეში ჯდომა არის ამ ქვეყნისთვის არასწორი ნაბიჯი” – გიორგი მარგველაშვილი

საქართველოს მე-4 პრეზიდენტი გიორგი მარგველაშვილი ტელეკომპანია ,,პირველის” გადაცემაში პოლიტიკურ შეფასებას აკეთებს მიხეილ სააკაშვილის პატიმრობასთან დაკავშირებით:

,,ერთმნიშვნელოვნად ვფიქრობ, რომ 24 თებერვლის მერე შევიწყალებდი სააკაშვილს და დღეს მიმაჩნია, რომ სააკაშვილის ციხეში ჯდომა არის ამ ქვეყნისთვის არასწორი ნაბიჯი.

ჩემი აზრით მისი პატიმრობა უკანონო მანამდეც იყო იმიტომ, რომ მურუსიძემ რა უნდა გაასამართლოს, მაგრამ ეხლა არის უსამართლო კიდევ, ყველაფერთან ერთად.

ომმა შეცვალა ყველაფერი, მათ შორის, მიშა სააკაშვილის მიერ ჩადენილი დანაშაულებიც და თვისობრივად გაზარდა ის, რასაც ჰქვია მიშა, როგორც პირველი პუტინთან ყველაზე ნათლად დაპირისპირებული პოლიტიკოსის ფასი.

სასჯელმისჯილ ტუსაღებს უხსნიდნენ კარებს და აძლევდნენ შესაძლებლობას ეომათ მტერთან. დღეს სააკაშვილი საქართველოს ციხეში კი არ უნდა იჯდეს პიჯაკების ბრალდებით მურუსიძის სასამართლოს მოლოდინში, იქ უნდა იყოს, სადაც ბუნებით უნდა იყოს.

უნდა იყოს იქ, სადაც არის მისი ადგილი, სადაც ისტორიულად მან თავისი ადგილი დასახა ცუდად თუ კარგად, მაგრამ მან თავისი ადგილი იქ დასახა, პუტინთან დაპირისპირებაში.

ეს კაცი დღეს ციხეში არ უნდა იჯდეს”, – განაცხადა გიორგი მარგველაშვილმა.

ავტორი
ნინი ხიჯაკაძე