“საქართველოს ეკლესია ყოველთვის ამბობდა, დღესაც ამბობს და გავიმეორებ რუსეთი არის ოკუპანტი!” – მეუფე ნიკოლოზი

ახალქალაქის, კუმურდოს და კარის მიტროპოლიტი მეუფე ნიკოლოზი (ფაჩუაშვილი) შეშფოთებას გამოთქვამს მწვავე განცხადებას აკეთებს უკრაინაში მიმდინარე ომთან დაკავშირებით. მისი თქმით, რაც ხდება – ეს არის ნამდვილი ჯოჯოხეთი დედამიწაზე:

,,ზეციური და მიწიერი ეკლესია დღეს მთლიანად ლოცულობს იმისათვის, რომ დამთავრდეს, ეს ნამდვილი, შეიძლება ითქვას, ბევრი ადამიანისგან გამიგია და გავიმეორებ, რა თქმა უნდა, ფიგურალური ნათქვამია – ეს არის ომის ჯოჯხეთი!

ომი არის ნამდვილი ჯოჯოხეთი დედამიწაზე და ეს უნდა დასრულდეს. ამისათვის ვლოცულობთ პირველ რიგში, რომ დამყარდეს მშვიდობა.

თქვეს უკრაინელებმა, რომ ყველაზე მეტად ვისაც შეუძლია ამის გაგება, სწორედ – საქართველოა. ხაზი მინდა გავუსვა, ეს არ არის 2008 წლის ომი მარტო, როდესაც ჩვენ განვიცადეთ ჩვენი მეზობელი რუსული ქვეყნისგან აგრესია და ოკუპაცია.

საქართველოს ეკლესია ყოველთვის ამბობდა, დღესაც ამბობს და გავიმეორებ – რუსეთი არის ოკუპანტი!“, – განაცხადა მეუფე ნიკოლოზმა.

ავტორი
ნინი ხიჯაკაძე