,,ლელო-საქართველოსთვის“ ლიდერმა ბადრი ჯაფარიძემ რუსთავის შუალედურ არჩევნებში მონაწილეობის მიღებაზე უარის განაცხადა. ოპოზიციონერი ლიდერის გადაწყვეტილებით, მთელი რესურსი მოხმარდება უკრაინელი ხალხისთვის ჰუმანიტარულ დახმარებას:
,,გადაწყვეტილება მივიღე აღარ მიმეღო ამ კამპანიაში მონაწილეობა. მოვუწოდე ,,ქართულ ოცნებას“, რომ გადაედო ეს არჩევნები იმის გამო, რომ რაც ხდება უკრაინაში, არ არის მხოლოდ უკრაინის ბრძოლა თავისუფლებისთვის, ეს არის ბრძოლა ჩვენი თავისუფლებისთვის!
ჩვენ მივიღეთ გადაწყვეტილება, რომ ის რესურსები, რომელიც გათვალისწინებული იყო საარჩევნო კამპანიის წარსამართად, მოხმარდება უკრაინელ ხალხს, მათთვის ჰუმანიტარულ დახმარებას.
შესაბამისად, ოფისი, რომელიც ჩვენ გვქონდა საარჩევნო მიზნებისთვის რუსთავში – გახდება ჰუმანიტარული დამხარების შეგროვების ცენტრი.
ჩვენ პირველი ტვირთვი მოვიტანეთ დღეს და შესაბამისად, ეს უნდა გახდეს სწორედ სოლიდარობის გამოხატვის ადგილი ჩვენი უკრაინელი დებისა და ძმებისთვის“, – განაცხადა ბადრი ჯაფარიძემ.
ავტორი
ნინი ხიჯაკაძე
