“როცა საომარი მდგომარეობაა, ამ დროს კი რუსული კომპანიების რეგისტრაცია მიმდინარეობს და არანაირი ხედვა არ არსებობს ამასთან დაკავშირებით – ეს დაუშვებელია” – მამუკა ხაზარაძე

პარტია ,,ლელო – საქართველოსთვის“ თავმჯდომარე მამუკა ხაზარაძე კომენტარს აკეთებს მიმდინარე ომის ფონზე საქართველოში რუსული კომპანიების რეგისტრაციის შეხებ. ოპოზიციონერი ლიდერი აფიქსირებს კონკრეტულ ხედვას და შეფასებას:

,,როცა არის საომარი მდგომარეობა, ამ დროს კი რუსული კომპანიების რეგისტრაცია მიმდინარეობს და არანაირი ხედვა არ არსებობს ამასთან დაკავშირებით – ეს დაუშვებელია, პირდაპირ შემიძლია ვთქვა.

აქვე მინდა განვმარტო, როცა რუსული კომპანიები აფუძნებენ აქ თავიანთ კომპანიებს და რეგისტრაციაში გადიან, აუცილებლად მათი წინა საქმიანობა უნდა იქნას შესწავლილი; უნდა იქნას წარმოდგენილი აუდიტორული დასკვნები, უამრავი სხვა პროცედურა გატარებული, რათა ეს კომპანიები არ იქნან გამოყენებული სხვა და სხვა მიზნებისთვის.

თუ ვინმე მოდის აქ გულწრფელად ბიზნესის საკეთებლად, რა თქმა უნდა, მათთვის უნდა იყოს ძალიან მკაფიოდ მწვანე შუქი ანთებული’’, – განაცხადა მამუკა ხაზარაძე.

ავტორი
ნინი ხიჯაკაძე