სამოქალაქო აქტივისტი მარიამ გეგუჩაძე კომენტარს აკეთებს აქციაზე აქტივისტების დაკავებებთან დაკავშირებით და აცხადებს, რომ ადამიანებს აკავებდნენ თითის მინიშნებით, რისთვისაც ჰქონდათ წინასწარ დაწერილი სია:
,,ადამიანებს აქვთ წარმოდგენა, თითქოს, ტუალეტის ქაღალდის სროლის დროს მოხდა დაკავება. რაც ასე არ არის!
ტუალეტის ქაღალდის სროლის შემდეგ, ერთი საათი ვიდექით იქ, როდესაც უკვე აქცია დაიშალა, სახლებში დავიწყეთ წასვლა. ძალიან ცოტა ადამიანი დარჩა იმიტომ, რომ ნახევარზე მეტი წავიდა. რეალურად, სახლში წასულ ადამიანებს დაუწყეს მოტაცება.
როგორც ჩანს, თავიდან ჰქონდათ სია, რადგანაც გიორგი მჟავანაძეც თითის მინიშნებით დააკავეს, ასევე გიგა მაქარაშვილს აეკიდნენ და დააკავეს. იქვე, როგორც ჩანს, ვინც იაქტიურა, შემდეგ ისინიც არ მოეწონათ და დააკავეს.
რეალურად, დაკავების საბაბი არ არსებობდა“, – განაცხადა მარიამ გეგუჩაძემ.
ავტორი
ნინი ხიჯაკაძე
