“მიხეილ სააკაშვილს დაუფიქსირდა ტემპერატურა, ელოდებიან PCR ტესტს” – გრიგოლ ვაშაძე

პარლამენტის წევრი გრიგოლ ვაშაძე, საპატიმროში მიხეილ სააკაშვილთან მონახულებას გეგმავდა, რაც ვერ შედგა. დეპუტატი კომენტარში აღნიშნავს, საქართველოს მე-3 პრეზიდენტს დაუფიქსირდა ტემპერატურა და ამჟამად ელოდებიან PCR ტესტის პასუხს:

,,პრეზიდენტს დაუფიქსირდა ტემპერატურა. ჯანმრთელობის მდგომარეობა როგორც მითხრეს დაწესებულების თანამშრომლებმა არის დამაკმაყოფილებელი, ანუ საგანგაშო არაფერი არ არისო.

ელოდებიან PCR ტესტს, როდის მოვა, მაგრამ დღეს დიდი ალბათობით შეხვედრა არ შედგებაო. ძალიან გულდასაწყვეტია, მაგრამ დაველოდები.

კარგი ის არის, რომ არაფერი არ აწუხებს და ჯანმრთელობის მდგომარეობა ისეთია, რომ საგანგაშო არაფერია“, – განაცხადა გრიგოლ ვაშაძემ.

ავტორი
ნინი ხიჯაკაძე