“სტრატეგია აღმაშენებლის” თავმჯდომარე საქართველოს მთავრობას და საგარეო საქმეთა სამინისტროს მიმართავს. გიორგი ვაშაძე უკრაინიდან ხელისუფლებას მოუწოდებს რამდენიმე ქვეყანაში მოხდეს სპეც რეისების ჩანიშვნა, რადგან საქართველოს მოქალაქეებს სამგზავრო ბილეთების შეძენის შესაძლებლობა არ აქვთ:
“მივმართავ საქართველოს მთავრობას და საგარეო საქმეთა სამინისტროს, იზრუნეთ სპეც რეისების დანიშვნაზე რუმინეთიდან, მოლდოვიდან, პოლონეთიდან და უნგრეთიდან, რადგან ბევრი ქართველი მოქალაქეა, რომელსაც არ აქვს შესაძლებლობა შეიძინონ სამშობლოში დასაბრუნებლად ბილეთები.
თვითმფრინავის ბილეთამდე ყველაფერი დაფინანსებულია ევროპული მხარის მხრიდან, ეს იქნება კვება თუ საცხოვრებელი.
საქართველომ ყველაფერი უნდა გააკეთოს, რათა დაეხმაროს თავის მოქალაქეებს. კიდევ ერთხელ მოგიწოდებთ, დააორგანიზეთ აღნიშნული საკითხი და დააბრუნეთ საქართველოს მოქალაქეები საკუთარ ქვეყანაში”, – აცხადებს გიორგი ვაშაძე.
ინფორმაციას ავრცელებს პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური
