პარლამენტის ფრაქცია ,,ლელო – პარტნიორობა საქართველოსთვის“ წევრი სალომე სამადაშვილი კომენტარს აკეთებს რუსეთის მიმართ საერთაშორისო სანქციების დაწესებასთან დაკავშირებით და აცხადებს, რომ ბიძინა ივანიშვილის წინააღმდეგ სანქციების მოთხოვნა გართულებულია, თუმცა არაფორმალურ მმართველობაზე საუბარი მნიშვნელოვანია:
,,ეს სანქციები შეეხება კონკრეტულად ახლა უკრაინაში მიმდინარე აგრესიას. საერთაშორისო სანქციების რეჟიმის თვითონ, ასე ვთქვათ, დამახასიათებელია ისე, რომ მიბმულია კონკრეტულ პრობლემას და გამოწვევას.
ამიტომ ამ კონტექსტში ბიძინა ივანიშვილისთვის სანქციების დაწესების მოთხოვნის შესაძლებლობა უბრალოდ ფორმალურად, ჩემი აზრით, ამ ეტაპზე გართულებული იქნება.
თავისთავად შეხსენება მუდმივად იმის, რომ საქართველოში ოლიგარქიული არაფორმალური მმართველობა ართმევს ქართველ ხალხს დემოკრატიულ ქვეყანაში ცხოვრების შანსს – არის მნიშვნელოვანი“, – განაცხადა სალომე სამადაშვილმა.
ავტორი
ნინი ხიჯაკაძე
