“ის, რომ ალიანსი არსებობს “ნაციონალურ მოძრაობასა” და გახარიას შორის ამაზე კითხვის ნიშნები მთლიანად მოხსნილია” – ირაკლი კობახიძე

,,ქართული ოცნება – დემოკრატიული საქართველოს“ თავმჯდომარე ირაკლი კობახიძე ,,ერთიანი ნაციონალური მოძრაობისა“ და გახარიას ალიანსის შესახებ საუბრობს, რომელიც მმართველი პარტიის ლიდერის აზრით, შესაძლოა წარმოიშვა მანამ, ვიდრე გახარია დატოვებდა პრემიერ-მინისტრის პოსტს:

,,ის, რომ ალიანსი არსებობს ,,ნაციონალურ მოძრაობასა“ და გახარიას შორის ამაზე კითხვის ნიშნები მთლიანად მოხსნილია. თუმცა, არის დეტალები, რომლებიც უკავშირდება ამ ალიანსს/კავშირებს, რომლებიც წარმოიშვა ბევრად ადრე, ვიდრე გახარია გავიდოდა ჩვენი პოლიტიკური გუნდიდან.

ძალიან ბევრი დეტალი, ნიუანსი შეიძლება იყოს საინტერესო საზოგადოებისთვის. ამ თანამშრომლობის დეტალებზე გვაქვს საუბარი. შეიძლება ეს იყოს დაფინანსებასთან დაკავშირებული საკითხები, შეიძლება იყოს კონკრეტული ქმედებები, რომელიც ნაკარნახები იყო ამ ალიანსით და ა.შ.

მაგალითად, გახსოვთ, რომ იყო ძალიან საეჭვოდ ჩატარებული სპეც. ოპერაციები იგივე პანკისში, იგივე 20 ივნისს და ა.შ. შეიძლება ამის უკანაც იდგეს ,,ნაციონალური მოძრაობის“ კოალიცია“, – განაცხდა ირაკლი კობახიძემ.

ავტორი
ნინი ხიჯაკაძე