ზუგდიდის საკრებულოს თავმჯდომარედ ყოფილი პრემიერის, გიორგი გახარიას პარტიის წევრის არჩევას და ამ მუნიციპალიტეტის საკრებულოში “ქართული ოცნების” ოპოზიციაში გადასვლას სოციალურ ქსელში ეხმაურება საქართველოს მე-3 პრეზიდენტი, მიხეილ სააკაშვილი:
“ოპოზიციამ კიდევ ერთი, უმნიშვნელოვანესი საკრებულო გამოგლიჯა ქართულ ოცნებას. მიუხედავად ჩემი დამოკიდებულებისა კონკრეტული პარტიის და მისი ხელმძღვანელის მიმართ, სტრატეგიული მიზნის მისაღწევად, ხშირად, არცთუ სასიამოვნო ტაქტიკური გადაწყვეტილებების მიღებაა საჭირო.
დღეს სტრატეგიული მიზნის ფორმულაა ყველა ერთის წინააღმდეგ, სხვაგვარად ივანიშვილის დამარცხება რეალური არ არის.
წინ ბათუმი და სენაკია – აქაც უნდა გამოვგლიჯოთ ქართულ ოცნებას საკრებულოები და პირადი დამარცხება ვაგემოთ ივანიშვილს. ფორმულა კვლავ უცვლელია – ყველა, ერთის წინააღმდეგ,” – აცხადებს მიხეილ სააკაშვილი.
