ტელეკომპანია ,,მთავარი არხის“ გენერალური დირექტორი ნიკა გვარამია საქართველოს მე-3 პრეზიდენტის სასამართლო პროცესის დასრულების შემდეგ ჟურნალისტებთან საგანგებო განცხადებას აკეთებს. მისი განმარტებით, მთავარი რაც ამ პროცესზე მოხდა იყო ის, რომ პატიმარმა მიხეილ სააკაშვილმა 3-ჯერ განაცხადა, რომ მას აქვს ჯანმრთელობის პრობლემა და სჭირდება ექიმი:
,,მთავარი, რაც ამ პროცესზე მოხდა იყო ის, რომ პატიმარმა 3-ჯერ განაცხადა, რომ მას აქვს ჯანმრთელობის პრობლემა, სჭირდება ექიმი და მას ეს ექიმი არ ჰყავს. მოითხოვა, რომ შეეშვათ ექიმები, რომლებიც მას ამ დახმარებას გაუწევდნენ და ზოგადად დახმარების გაწევა ითხოვა იმიტომ, რომ პრობლემები აქვს ჯანმრთლობის.
ჩვენ დავაყენეთ შუამდგომლობა სასამართლოს წინაშე სისხლის სამართლის საპროცესო კოდექსის 191 მუხლის და წამების წინააღმდეგ კონვენციის საფუძველზე, რომ ადამიანი – პატიმარი, რომელიც ითხოვს სამედიცინო დახმარებას და ამბობს, რომ მის წინააღმდეგ ხორციელდება არაჰუმანური მოპყრობა და მას არ გაეწევა სათანადო სამედიცნო დახმარება, სასამართლომ უნდა მიმართოს სასჯელაღსრულებითი დაწესებულების გენერალურ დირექტორს, დაავალოს მას ამ საკითხის გამორკვევა და ადეკვატური სამედიცინო მომსახურების გაწევა.
კიდევ ერთხელ ვიმეორებ, ამით სასამართლო არ დაადგენს, რომ წამებას აქვს მართლა ადგილი იმიტომ, რომ ეს არ არის საქმე, სადაც წამება იხილება, მაგრამ სასამართლო ვალდებულია ასეთ განცხადებაზე გააკეთოს რეაგირება.
მოსამართლემ განგვიმარტა, მათ შორის პენიტენციური სამსახურის გასაგონად, რომ მას ეს ვალდებულება ნამდვილად აქვს, რომ პატიმარს გაუწის ყოველგვარი დახმარება, თუმცა თქვა, რომ ამ ეტაპზე ამ შუამდგომლობას არ აკმაყოფილებს.
შემდეგი ეტაპები, გარწმუნებთ, ყველა სასამართლო სხდომაზე იქნება ამგვარი ტიპის განცხადება, თუ მიხეილ სააკაშვილს ისევ არ გაუწევენ დახმარებას და არ შეუშვებენ ექიმებს. ყველა მოსამართლე იქნება ვალდებული, რომ ამაზე იმსჯელოს. ყველა უარი იქნება წამების და სისხლის სამართლის საპროცესო კონვენციის დარღვევა. ასეთი ტიპის უარები და დარღვევები ჩვენ მიგვაქვს იქ, სადაც საჭიროა!“, – განაცხადა ნიკა გვარამიამ.
ავტორი
ნინი ხიჯაკაძე
