“ჩვენი ხელისუფლებისადმი რუსეთის “პროფილაქტიკურ” გზავნილზე გამახსენდა…” – გია ხუხაშვილი

რუსეთის დამოკიდებულებას საქართველოსთან მიმართებაში და ერთგვარ მიმთითებლურ ტონს მეტაფორული ხასიათის პოსტით ეხმაურება ანალიტიკოსი გია ხუხაშვილი:

“ისედაც ფეხის წვერებზე რომ დადიხარ და ვიღაცა მაინც გეტყვის – “ისედაც ბევრი პრობლემები მაქვს და შენ აღარ გამებლანდო ფეხებშიო”, ე.ი. არარაობად მიაჩნიხარ.

ეს რომ არ შეგეტყოს, ცოლ-შვილს რომ გაიგდებ წიხლქვეშ და მაგარ ბიჭობანას ითამაშებ, ორჯერ არარაობა ხარ…

ჩვენი ხელისუფლებისადმი რუსეთის “პროფილაქტიკურ” გზავნილზე გამახსენდა…“, – წერს ფეისბუქის პირად გვერდზე გია ხუხაშვილი.

ინფორმაციისათვის: რუსეთის საგარეო უწყების მიერ საქართველოსთან მიმართებაში გუშინ გაკეთებულ შეფასებებში, აშკარად ჩანდა ერთგვარი დამრიგებლური ტონი ჩვენი ქვეყნის ხელისუფლებასთან მიმართებაში.

“დიდი იმედი გვაქვს, რომ საქართველოს ხელისუფლება წარსულის გაკვეთილებიდან დასკვნებს გამოიტანს და რუსეთის მიმართ უფრო გაწონასწორებულ პოლიტიკას განახორციელებს” – რუსეთის საგარეო უწყება