„მესამე ძალა -სტრატეგია აღმაშენებლის“ ისნის მაჟორიტარობის კანდიდატის, თეონა ჭალიძის განცხადებით ის მზად არის ყველა პოლიტიკური გემოვნების ამომრჩევლის ინტერესები დაიცვას და მზადყოფნას გამოთქვამს, რომ ხვალინდელი დღე უკეთესობისკენ შეცვალოს. ჭალიძის თქმით ისანში ყოველდღიურად ვაწყდებით სხვადასხვა სახის პრობლემებს, დაწყებული ინფრასტრუქტურიდან დამთავრებული სოციალური პრობლემებით და ეს მისთვის ისეთივე ახლობელია, როგორც საქართველოს დანარჩენი მოქალაქეებისთვის:
„მე ვესაუბრები ისანში ყველა პარტიის მხარდამჭერს, რადგან უნდა ვიყო ყველა პოლიტიკური გემოვნების ამომრჩევლის პირადი მაჟორიტარი დეპუტატი საკრებულოში და ვიზრუნო თითოეული მოქალაქის ინტერესის დაცვაზე. ეს ჩემთვის არის ძალიან დიდი პასუხისმგებლობაა, რომლისაც არ მეშინია და მზად ვარ იმისათვის, რომ ხვალინდელი დღე ჩვენთვის იყოს უკეთესი.
ავლაბრელების, ვაზისუბნელების, მეტრომშენელების, მერვე ლეგიონის და ბერი გაბრიელ სალოსის გამზირის მაცხოვრებლების ხმა უნდა ისმოდეს საკრებულოში.
მე ვარ ორი შვილის დედა და მინდა ამ ქვეყანაში ვიცხოვრო. თვალი არ მიჭირავს უცხო ქვეყნისკენ. მსურს ცვლილებები, საქართველოში უკეთესობისკენ შევცვალო და ჩემი წვლილი შევიტანო ამ ყველაფერში.
ისანში ყოველდღიურად ვაწყდები სხვადასხვა სახის პრობლემებს, დაწყებული ინფრასტრუქტურიდან დამთავრებული სოციალური პრობლემებით, რომლებიც ჩემთვისაც ისეთივე ახლობელია, როგორც საქართველოს დანარჩენი მოქალაქეებისთვის“, – აცხადებს თეონა ჭალიძე.
