“მესამე ძალა – სტრატეგია აღმაშენებლის” ლიდერები ეროვნული მოძრაობის ლიდერებსა და სხვადასხვა საზოგადოებრივი ორგანიზაციის წარმომადგენლებს შეხვდნენ. შეხვედრაზე განიხილეს ისეთი საკითხები, როგორიცაა ქვეყანაში არსებული პოლიტიკური და ეკონომიკური მდგომარეობა. ასევე იმსჯელეს, თუ როგორ უნდა გამოვიდეს მოსახლეობა იმ ნიჰილიზმიდან, რაც წინასაარჩევნო პროცესს თან ახლავს:
“მესამე ძალის“ იდეა იკრებს ძალებს, ჩვენ შემოგვიერთდნენ სხვადასხვა აქტიური ჯგუფების წარმომადგენლები, ზოგიერთი მათგანი ეროვნული მოძრაობიდანაა და ზოგიც ახალგაზრდული ჯგუფიდან. ძალიან მნიშვნელოვანია, რომ გავხსნათ კარი ადამიანებისთვის, ვისაც უნდა აქტიურად ჩაერთოს ქვეყნის განვითარების პროცესში. “მესამე ძალის” იდეა ეს არის და სტრატეგია აღმაშენებელმა სწორედ ამიტომ ჩამოაყალიბა ეს პლატფორმა, რომელიც არის ღია ყველასთვის და რაც შეიძლება მეტ ადამიანს აძლევს უფლებას მიიღოს მონაწილეობა ქვეყნის განვითარებაში”, – განაცხადა გიორგი ვაშაძემ.
ინფორმაციას “გიორგი ვაშაძე – სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
