“მე მგონი უტიფრობის ყველა ზღვარი მოხსნა საქართველოს პრემიერ-მინისტრმა” – ვახო სანაია

პრემიერ-მინისტრის მიერ მთავრობის სხდომაზე გაკეთებულ განცხადებას, სადაც ეპიდემიოლოგიური მდგომარეობის გაუარესება საპროტესტო აქციებს დაუკავშირა, ეხმიანება ტელეკომპანია ,,ფორმულას“ ჟურნალისტი ვახო სანაია და აცხადებს, რომ ამ პოზიციით ღარიბაშვილმა უტიფრობის ყველა ზღვარი მოხსნა:

,,პრემიერ-მინისტრი, რომელმაც მოსვლისთანავე ისე მოხსნა რეგულაციები, რომ მოსახლეობის მიზერული რაოდენობა იყო აცრილი და ვაქცინა ვერ შემოჰქონდათ, ამის გამო ეპიდვითარება გაუარესდა და ამას თავადვე ვერ უარყოფენ, იმდენად არის გამწარებული ჟურნალისტებზე, დღეს მთავრობის სხდომაზე ეპიდვითარების გაუარესებაც კი ჟურნალისტებს დააბრალა, რომლებიც ქუჩაში გამოვიდნენ იმის გამო, რომ მათი კოლეგა მოკლეს.

მე მგონი უტიფრობის ყველა ზღვარი მოხსნა საქართველოს პრემიერ-მინისტრმა“, – განაცხადა ვახო სანაიამ.

ავტორი
ნინი ხიჯაკაძე