“ძალადობისკენ მოწოდება ნებისმიერი ინსტიტუციიდან, მათ შორის ეკლესიიდან, არის კატეგორიულად მიუღებელი ისევე, როგორც მიუღებელია ეკლესიაზე ძალადობისკენ მოწოდება” – გიორგი გახარია

ძალადობისკენ მოწოდებებთან დაკავშირებით კონკრეტულ გარმარტებებს აკეთებს ყოფილი პრემიერ-მინისტრი და ამჟამად პარტია ,,საქართველოსთვის“ თავმჯდომარე გიორგი გახარაია, რომელიც აღნიშნავს, რომ ,,უბრალოდ შეუძლებელია 21-ე საუკუნეში ვინმე, განსაკუთრებით ეკლესია, ერთ ადამიანს მოუწოდებდეს მეორე ადამაინის ფიზიკური ძალადობის საშუალებით რაიმე მიზნის მისაღწევად“:

,,ეკლესიიდან იქნება ეს თუ სხვა, ასე ვთქვათ, ინსტიტუციებიდან, ნებისმიერის სახის ძალადობისკენ მოწოდება, რა თქმა უნდა, დასაგმობია.

შეუძლებელია! უბრალოდ შეუძლებელია 21-ე საუკუნეში ვინმე, განსაკუთრებით ეკლესია, ერთ ადამიანს მოუწოდებდეს მეორე ადამიანის ფიზიკური ძალადობის საშუალებით რაიმე მიზნის მისაღწევად. ეს უბრალოდ შეუძლებელია, მაგრამ არ უნდა წავიდეთ მეორე უკიდურესობაში და ეს განვაზოგადოთ ეკლესიაზე.

ძალადობისკენ მოწოდება ნებისმიერი ინსტიტუციიდან, მათ შორის ეკლესიიდან, არის კატეგორიულად მიუღებელი ისევე, როგორც მიუღებელია ეკლესიაზე ძალადობისკენ მოწოდება“, – განაცხადა გიორგი გახარიამ.

ავტორი
ნინი ხიჯაკაძე