„რაც არ უნდა ყალბი პროცესი შექმნან მოსამართლეების დანიშვნის, ვერც ეს მოსამართლეები იქნებიან უვადო მოსამართლეები, პირდაპირ და ღიად ვამბობ ამას და არც კლანს ჩავაბარებთ საბოლოოდ მართლმსაჯულებას“ – ასე აფასებს „სტრატეგია აღმაშენებლის“ თავმჯდომარე მოსამართლეების საკითხს. გიორგი ვაშაძის თქმით, მათ სისტემატიური კომუნიკაცია აქვთ მესამე სექტორთან და დიპლომატიურ კორპუსთან და საბოლოო ჯამში კლანური მმართველობის დასამარცხებლად ყველა შესაძლო ბერკეტს გამოიყენებენ.
“მართლმსაჯულების გასაღებს აუცილებლად გადავცემთ ქართველ ხალხს და სასამართლო სისტემას გავათავისუფლებთ კლანისგან. ამისათვის ჩვენ სისტემურად ვმუშაობთ ჩვენს მოქალაქეებთან, სამოქალაქო სექტორთან და ასევე დასავლელ პარტნიორებთან.
შარლ მიშელის დოკუმენტს სწორედ აღსრულების ერთ-ერთი მთავარი მექანიზმი აქვს ჩვენი დასავლელი პარტნიორების მხრიდან სანქციების კომპონენტი, რომელზეც სულ უფრო და უფრო მიდის ინტენსიური მსჯელობა. ამიტომ რაც არ უნდა ყალბი პროცესი შექმნან მოსამართლეების დანიშვნის ვერც ეს მოსამართლეები იქნებიან უვადო მოსამართლეები, პირდაპირ და ღიად ვამბობ ამას და არც კლანს ჩავაბარებთ საბოლოოდ მართლმსაჯულებას.
ჩვენ გვქონდა რამდენიმე საათიანი სიღრმისეული მსჯელობა სამოქალაქო სექტორთან და დიპლომატიურ კორპუსთან. ვიქნებით თანმიმდევრულები და გავათავისუფლებთ მართლმსაჯულებას კლანისგან და გადავცემთ გასაღებს საქართველოს მოქალაქეებს“, – აცხადებს გიორგი ვაშაძე.
ინფორმაციას “სტრატეგია აღმაშენებლის” საზოგადოებასთან ურთიერთობის სამსახური ავრცელებს
