,,საქართველოს ლეიბორისტული“ პარტიის ლიდერმა შალვა ნათელაშვილმა დღეს გამართულ საგანგებო ბრიფინგზე გააკრიტიკა პარლამენტში შესული ოპოზიცია და აღნიშნავს, რომ ერთადერთი ხალხის სიყვარულისა და ნდობის უღალატო არის ,,ლეიბორისტული პარტია“. ოპოზიციონერი ლიდერი აცხადებს, რომ ,,გული არ გაიტეხოთ, ბრძოლა გაგრძელდება და ივანიშვილი აუცილებლად დამთვრდება“:
,,ახლა, როდესაც ოპოზიციური დოღია გამართული პარლამენტში შესვლაზე ვფიქრობ, ყველაზე ურწმუნო თომებმაც კი დაიჯერეს, რომ ერთადერთი პოლიტიკური პარტია, რომლისთვისაც ყველაზე დიდი ღირებულება ქვეყანა, ხალხი და თქვენ ხართ, რომელიც არ დაემორჩილება არავის თქვენი ინტერესების საღალატოდ, რომლისთვისაც ყველაზე ძვირფასი მანდატია თქვენი ნდობა და სიყვარული, არის ,,საქართველოს ლეიბორისტული პარტია“.
სამწუხაროდ, ძირითადი პოლიტიკური სპექტრი წარმოადგენს ოლიგარქიული ხის სხვადასხვა ტოტებს.
წარმატებით და აღმავლობით აწყებული პროცესი ივანიშილის რეჟიმის შეცვლისა ,,ლეიბორისტულ“ ოფისში შეწყვიტა გარკვეულ ოპოზიციურ ძალთა მიერ სეპარატისტულ-მოღალატეობრივად ხელმოწერილმა ე.წ. მიშელის დოკუმენტმა.
სამწუხაროდ, გუშინ ,,ნაციონალურმა მოძრაობამ“ ასევე, მიიღო გადაწყვეტილება პარლამენტში შესვლაზე, რაც ნამდვილად არ არის კარგი. მე მის მრავალ მხარდამჭერთან ერთად უაღრესად განვიცდი შექმნილ მდგომარეობას, მაგრამ ძვირფასო მეგობრებო გული არ გაიტეხოთ ბრძოლა გაგრძელდება და ივანიშვილი აუცილებლად დამთავრდება.
ამჯერად ჩვენ ვამზადებთ მიმართვას აშშ-ს პრეზიდენტ ბაიდენზე და შესაბამის სპეციალურ უწყებებზე ჩვენი მოკავშირე ქვეყნისა, რათა გაირკვეს – ტრამპის ადმინისტრაციიდან რატომ გაიყიდა საქართველო რუსი ოლიგარქის პუტინის სატელიტ ივანიშილის ინტერესებში და მის გადასარჩენად?! რამაც საფრთხე შეუქმნა არა მარტო საქართველოს დემოკრატიულ განვითარებას, არამედ ამერიკის სტრატეგიულ ინტერესებს მთელს რეგიონში.
ეს საქმე გამოსაძიებელია, გამოსარკვევია და დამნაშავეები დასასჯელია“, – განაცხადა შალვა ნათელაშვილმა.
ავტორი
ნინი ხიჯაკაძე
