“სტრატეგია აღმაშენებლის” პოლიტსაბჭოს წევრი, განათლების მიმართულების ხელმძღვანელი, ნანა ტოხვაძე სოციალურ ქსელში ერთ-ერთი აბიტურიენტის მიერ გამოქვეყნებულ ემოციურ პოსტს ეხმიანება და ფაქტთან მიმართებაში დაუყოვნებლივი რეაგირებისკენ მოუწოდებს გამოცდების ეროვნული ცენტრის ხელმძღვანელს, სოფიო გორგოძეს:
“ვეხმაურები სოციალურ ქსელში გავრცელებულ სსსმ აბიტურიენტის, ტერეზა გალსტიანი ლალაევას წერილს და მოვუწოდებ გამოცდების ეროვნული ცენტრის ხელმძღვანელს, სოფიო გორგოძეს დაუყოვნებლივ მოახდინოს რეაგირება და ყურად იღოს აპლიკანტის სპეციალური საჭიროება, რომელიც გულისხმობს საგამონაკლისო წესის დაშვებას და საკითხის ინდივიდუალურად წარდგენას საბჭოს წინაშე.
დარწმუნებული ვარ, ქალბატონი გორგოძე დღესაც სამოქალაქო სექტორს რომ წარმოადგენდეს და არა სახელმწიფო უწყებას, აუცილებლად ექნებოდა ადეკვატური რეაგირება და პროტესტის გრძნობა.
ქალბატონ სოფიოს შევახსენებ, რომ მსგავსი, საგამონაკლისო წესის დაშვების შემთხვევა გვქონდა შარშანაც, კოვიდინფიცირებული აბიტურიენტის შემთხვევაში და თემის გახმაურების შემდეგ, საბედნიეროდ, მივაღწიეთ პრობლემის აბიტურიენტის სასარგებლოდ გადაწყვეტას.
ვფიქრობ, არ იქნება მიზანშეწონილი, რომ ოპოზიციის წარმომადგენლები ყოველ ჯერზე, მხოლოდ ბრიფინგებით ვესაუბროთ პასუხისმგებელ პირებს, რადგან გამოცდების ცენტრის გულგრილობა, არაფროფესიონალიზმი და ცენტრისგან “უსამართლოდ მოქცევის” პრაქტიკა სტანდარტად იქცა ამ ქვეყანაში,” – აცხადება ნანა ტოხვაძე.
ინფორმაციისთვის: სოციალურ ქსელში ძალზე ემოციური პოსტი გავრცელდა, სადაც ავტორი მის მიმართ ჩადენილ უსამართლობაზე წერს
“მე არ გავჩუმდები, სანამ სამართლიანობა არ აღდგება!” – ტერეზა გალსტიანი ლალაევა
