დმანისში მოსახლეობას შორის დაპირისპირებას პარლამენტის ფრაქცია “ქართული ოცნების” თავმჯდომარე, მამუკა მდინარაძე გამოეხმაურა. მისი თქმით, ადამიანთა გარკვეული ჯგუფი ხელოვნურად ცდილობდა ჩვეულებრივი საყოფაცხოვრებო პრობლემა ეთნიკურ დაპირისპირებაში გადაეზარდა. მამუკა მდინარაძე აცხადებს, რომ აღნიშნული პრობლემა უკვე აღმოფხვრილია:
“დარწმუნებით და დაბეჯითებით შეგვიძლია ვთქვათ, რომ პრობლემა აღმოიფხვრა და ეს არის ძალიან კარგი. ამ ადამიანების ჩართულობა იყო განმსაზღვრელი ამისა, მთავარი მსაზღვრელი.
გამოჩნდნენ ჯგუფები თუ ადამიანები, რომლებიც ერთი ჩვეულებრივი საყოფაცხოვრებო პრობლემის გამო, რომელიც შემდეგ ნამდვილად ცუდ რამეში გადაიზარდა და კინაღამ მიიღო ცუდი მასშტაბი.
ეს ჯგუფები ცდილობდნენ, რომ პრობლემა და კონფლიქტი ადამიანთა, ჯგუფებს შორის, ხელოვნურად გადაეზარდათ, მათ შორის, ეთნიკურ დაპირისპირებაში და ეს ელფერი მიცემოდა, რაც დაუშვებელია“, – განაცხადა მამუკა მდინარაძემ.
ავტორი
ნატალი ბაკურაძე
