,,ერთიანი ნაციონალური მოძრაობის” პოლიტიკური საბჭოს წევრმა გიორგი ბოტკოველმა დღეს საპატიმრო დაწესებულებაში ნიკა მელია მოინახულა. ოპოზიციონერმა ლიდერმა აღნიშნა, რომ ისაუბრეს ადგილობრივ არჩევნებზეც, თუმცა ნიკა მელიას ჯერ არ გადაუწყვეტია სამოქმედო გეგმა, ხოლო საპატიმროს დატოვების შემდეგ პარტიის თავმჯდომარე დეტალებზე თავად ისაუბრებს:
,,ძალიან ბევრი პოლიტიკური საკითხი განვიხილეთ, როგორც ჩვენი პარტიის, ისე საერთო პოლიტიკური. ამ დღეების განმავლობაში კიდევ ძალიან ბევრი სიახლე გვექნება.
რაც შეეხება ახლა ქალაქის მერს, რა თქმა უნდა, ადგილობრივ არჩევნებზე ჩვენ ვისაუბრეთ, მაგრამ რატომ არის მხოლოდ და მხოლოდ დედაქალაქის მერის სიტუაცია ესე აქტიური და ვთქვათ არ არის სხვა რეგიონის, სხვა ქალაქების ხო?!
თუ საერთო შეთანხმებაზე და საერთო ოპოზიციურ ბრძოლაზეა საუბარი, მაშინ სხვა ქალაქებზე და სხვა მუნიციპალიტეტებზეც უნდა ვისაუბროთ.
რაც შეეხება ნიკა მელიას გადაწყვეტილებას, მას ჯერ არ გადაუწყვეტია რას აპირებს, როგორ აპირებს…
მე დარწმუნებული ვარ, ძალიან ცოტა დროა დარჩენილი, რომ ნიკა იყოს გარეთ. ამის შემდეგ თვითონ განაცხადებს უკვე თავის გეგმების შესახებ“, – აღნიშნა გიორგი ბოტკოველმა.
ავტორი
ნინი ხიჯაკაძე
