პრეზიდენტის ადმინისტრაციაში ,,ქართული ოცნების” დეპუტატები ცალკეულ საკითხებთან მიმართებაში კონსულტაციებს გადიოდნენ საქართველოს პრეზიდენტ, სალომე ზურაბიშვილთან. შეხვედრის დასრულების შემდეგ მამუკა მდინარაძე კომენტარს აკეთებს ადმინისტრაციულ სამართალდარღვევათა კოდექსში პარლამენტის მიერ შეტანილ ცვლილებებთან მიმართებაში და აღნიშნავს, რომ იგი აბსოლუტურად შესაბამისობაშია საერთაშორისო სტანდარტებთან და საქართველოს კონსტიტუაციასთან:
,,თუ კითხვაზე პასუხი, რომ მეორე, მეოთხე, მეხუთე, მეშვიდე, მეთორმეტე შემთხვევებში იგივე არ უნდა იყოს სანქცია, რაც პირველ შემთხვევაში და ოდნავ მაინც უნდა იყოს გამკაცრებული – ამაზე პასუხი სწორია და ეს მიდგომა სწორია!
მაშინ ყველაფერი დანარჩენი არის კონკრეტული ოპოზიციური ძალების მიერ ყურადღების გადატანის მცდელობა.
ეს გამოიწვია იმან, რომ ადამიანები, რომლებიც ხელმომწერები იყვნენ შარლ მიშელის დოკუმენტზე და ფიზიკურად შემოვიდნენ, სიმბოლურად, პრაქტიკულად პარლამენტში. მონაწილეობა არ მიიღეს, მათ შორის, ამ კანონპროექტის განხილვაში.
ეს ყველაფერი ჩვენ კიდევ ერთხელ მოვუყევით პრეზიდენტს, თავისი სამართლებრივი არგუმენტებით და იმედი გვაქვს, რომ პრეზიდენტი გაიზიარებს ჩვენს მოსაზრებებს, რადგანაც სამართლებრივად არც ერთი ნიუანსი არ არსებობს, სადაც არის პრობლემა. ცვლილებები აბსოლუტურ შესაბამისობაშია საერთაშორისო სტანდარტებთან და საქართველოს კონსტიტუციასთან. გაცილებით მკაცრია ქმედებებისათვის ადმინისტრაციული სანქცია ევროპის ჩვენ მოკავშირე პარტნიორ ქვეყნებში.
მოდით განწყობებზე ნუ ვილაპარაკებთ. მას არ შეუმჩნევია ჩვენთან და მითუმეტეს არ მოუხდენია დეკლარირება თავისი განწყობის. მან ყურადღებით მოგვისმინა, თავისი კითხვები დასვა, ამასთან დაკავშირებით, რასაც აკეთებს ყველა სხვა შეხვედრაზე, როგორც მე მივხვდი და მის დასკვნებზე, ბუნებრივია, მე პირადად ვერაფერს ვილაპარაკებ“, – განაცხადა მამუკა მდინარაძემ.
ავტორი
ნინი ხიჯაკაძე
